قرآنی مطالعات ( سماجی ، معاشی و سیاسی مسائل کے حوالہ سے )
مصنف : ظفر الاسلام اصلاحی
صفحات: 154
قرآن مجید پوری انسانیت کے لیے کتاب ِہدایت ہے، او ر اسے یہ اعزاز حاصل ہےکہ دنیا بھرمیں سب سے زیاد ہ پڑھی جانے والی کتاب ہے ۔ اسے پڑھنے اور پڑھانے والوں کو امامِ کائنات نے اپنی زبانِ صادقہ سے معاشرے کے بہتر ین لوگ قراردیا ہے اور اس کی تلاوت کرنے پر اللہ تعالیٰ ایک ایک حرف پرثواب عنایت کرتے ہیں۔ دور ِصحابہ سے لے کر دورِ حاضر تک بے شمار اہل علم نے اس کی تفہیم وتشریح اور ترجمہ وتفسیرکرنے کی خدمات سر انجام دیں اور ائمہ محدثین نے کتب احادیث میں باقاعدہ ابواب التفسیر کے نام سےباب قائم کیے ہیں ۔تاکہ خدمت قرآن کے عظیم الشان شرف سے مشر ف ہوں۔ زیرتبصرہ کتاب ” قرآنی مطالعات، سماجی، معاشی وسیاسی مسائل کے حوالے سے ” ہندوستان کے معروف عالم دین محتر م ظفر الاسلام اصلاحی صاحب،پروفیسر شعبہ اسلامک اسٹڈیز علی گڑھ مسلم یونیورسٹی کی تصنیف ہے، جس میں انہوں نے سماجی، معاشی اور سیاسی مسائل کے حوالے سے مطالعہ قرآن کے اصول ومبادی کو بیان کیا ہے۔ اللہ تعالی سے دعا ہے کہ وہ مولف کی اس عظیم خدمت کو اپنی بارگاہ میں قبول فرمائے اور ان کے میزان حسنات میں اضافہ فرمائے۔ (آمین)
| عناوین | صفحہ نمبر | |
| تعارفی کلمات | 5 | |
| باب اول قرآن مجید کا تعارف | 13 | |
| باب دوم قرآن کا تصور احسان | 41 | |
| باب سوم سماجی زندگی کی بہتری اور قرآنی ہدایات و تعلیمات | 62 | |
| باب چہارم مالی معاملات میں قرآن کے مطالبات | 78 | |
| باب پنجم عورتوں کے معاشی حقوق قرآن کریم کی روشنی میں | 108 | |
| باب ششم سیاست و حکومت اور قرآن کے رہنما اصول | 131 |