ہمارا تعلیمی بحران اور اس کا حل چند نظریاتی مباحث
ہمارا تعلیمی بحران اور اس کا حل چند نظریاتی مباحث
مصنف : ڈاکٹر محمد امین
صفحات: 543
اسلامی نقطہ نظر سے تعلیم محض حصول معلومات کا نام نہیں ،بلکہ عملی تربیت بھی اس کا جزو لاینفک ہے۔اسلام ایسا نظام تعلیم وتربیت قائم کرنا چاہتا ہے جو نہ صرف طالب علم کو دین اور دنیا دونوں کے بارے میں صحیح علم دے بلکہ اس صحیح علم کے مطابق اس کے شخصیت کی تعمیر بھی کرے۔یہ بات اس وقت بھی نمایاں ہو سامنے آتی ہے جب ہم اسلامی نظام تعلیم کے اہداف ومقاصد پر غور کرتے ہیں۔اسلامی نظام تعلیم کا بنیادی ہدف ہی یہ ہے کہ وہ ایک ایسا مسلمان تیار کرنا چاہتا ہے،جو اپنے مقصد حیات سے آگاہ ہو،زندگی اللہ کے احکام کے مطابق گزارے اور آخرت میں حصول رضائے الہی اس کا پہلا اور آخری مقصد ہو۔اس کے ساتھ ساتھ وہ دنیا میں ایک فعال ،متحرک اور با عزم زندگی گزارے ۔ایسی شخصیت کی تعمیر اسی وقت ممکن ہے جب تعلیم کے مفہوم میں حصول علم ہی نہیں ،بلکہ کردار سازی پر مبنی تربیت اور تخلیقی تحقیق بھی شامل ہو۔لیکن افسوس کہ استعمار کی سازش سے ہمارے تعلیمی اداروں میں دین ودنیا کو الگ الگ کر دیا گیا ہے۔دنیوی تعلیم حاصل کرنے والے دین کی بنیادی تعلیمات سے بھی عاری ہوتے ہیں ،جبکہ دین کے طالب علم دنیوی تعلیم کے ماہر نہیں ہو پاتے ہیں۔ جس کا نقصان یہ ہوتا ہے کہ دونوں طرح کے اداروں میں ایک مسلمان اور کارآمد بندہ تیار نہیں ہوپاتا ہے۔اسی احساس کو لئے ہوئے ڈاکٹر محمد امین صاحب ﷾نے یہ کتاب ” ہمارا تعلیمی بحران اور اس کا حل (چند نظریاتی مباحث)” تیار کی ہے ۔جس میں انہوں نے دین ودنیا دونوں تعلیمات کو اکٹھے پڑھانے پر زور دیا ہے تاکہ یہ مشترکہ تعلیم حاصل کرنے والا ہر طالب علم معلومات کے حصول کے ساتھ ساتھ معاشرے کا ایک مسلمان اور کارآمد فرد بھی بن جائے۔اللہ تعالی ان کی اس کاوش کو قبول فرمائے اور قوم وملت کے تمام تعلیمی اداروں اور اساتذہ کو اپنے طلباء کی تعلیم کے ساتھ ساتھ ایک موثر تربیت کرنے کی بھی توفیق دے۔آمین
| عناوین | صفحہ نمبر | |
| پیش لفظ | 7 | |
| حروف اول | 9 | |
| دریا بہ حباب اندر | 19 | |
| حصہ اول تعلیمی مقالات | 29 | |
| تمہیں یاد ہو کہ نہ یاد ہو | 29 | |
| ہمارا تعلیمی بحران اور اس کا حل | 47 | |
| پاکستان میں تعلیم کی اسلامائزیشن | 73 | |
| تعلیمی ثنویت کے خاتمے کا طریق کار | 111 | |
| ایک نئے تعلیمی ماڈل کی ضرورت | 128 | |
| پرائیویٹ سکولوں کے نام ایک اہم پیغام | 147 | |
| انگلش میڈیم فائدے اور نقصانات | 156 | |
| طلبہ کی اسلامی تربیت کیوں اور کیسے | 164 | |
| ایک ماڈل اسلامی سکون کا خاکہ | 179 | |
| ایک ماڈل اسلامی یونیورسٹی کا خاکہ | 211 | |
| تعلیم اور جدیداسلامی تحریکیں | 286 | |
| تعلیم اور نفاذ اسلام | 306 | |
| تعلیم اور مسلم نشاۃ ثانیہ | 317 | |
| ایک ماڈل اسلامی نظام تعلیم کا خاکہ | 330 | |
| حصہ دوم مختصر مضامین | 389 | |
| زندہ قوموں کے اطوار | 389 | |
| انگریز کی حکومت | 395 | |
| پاکستانی یونیورسٹیوں میں علوم اسلامیہ کی تعلیم کا انحطاط | 407 | |
| سبق شاہین بچوں کو یاد رہے ہیں خاکبازی کا | 412 | |
| خشت اول چوں نہد معمار کج | 420 | |
| قومی تعلیمی پالیسی | 426 | |
| پڑھیں عربی بچیں تیل | 436 | |
| بھٹکے ہوئے آہو کو پھر سوئے حرم لے چل | 442 | |
| ہم کرپٹ قوم کیوں ہیں | 450 | |
| مروجہ حکومتی نصاب پر ایک نظر | 460 | |
| پاکستان میں تعلیم کی اسلامی تشکیل نو | 473 | |
| حصہ سوم علمی مقالات | 488 | |
| کشف و الہام بحیثیت مصدر علم | 488 | |
| نبی اکرمﷺ کا منہاج تربیت | 503 | |
| خلق المتعلم عند الزرنوجی | 521 |