خوف خدا
خوف خدا
مصنف : ہارون یحییٰ
صفحات: 144
اللہ تعالیٰ کاخوف ہی دراصل اللہ پرکامل ایمان ہونے کاٹھوس ثبوت اورآخرت کی زندگی میں ملنے والے اجر کی اہم نشانی ہے ۔ آخرت کی زندگی میں خود کو نارِ جہنم سے محفوظ رکھنے کا واحد طریقہ خوف ِ الٰہی او رپرہیز گار ی کو اختیار کرنے میں ہے ۔روز ِحساب ایک ایسی خوفناک حقیقت ہے جس سےبچنا ناممکن اور جس کے بارے میں خصوصی طور پر غور وفکر کرنالازم ہے۔ تاہم یہ خوف صرف ایمان والوں کونصیب ہوتاہے اور یہ ایک خاص قسم کاخوف ہے ۔ کیونکہ اللہ تعالیٰ نے قرآن کی متعدد آیات اور نبی کریم ﷺ نےاحادیث میں روزِ قیامت پیش آنے والے مختلف واقعات بیان کردیئے ہیں ۔دنیا کی مختصر سی زندگی میں انسان جوکام بھی کرتا ہے اس کے اعمال نامے میں لکھا جارہا ہے ۔ اورہر انسان اس دن کی طرف تیزی سے بڑھ رہا ہے جب انسان کواللہ کےحضور پیش ہوکر اپنے اعمال کے لیے جوابدہ ہونا پڑے گا۔ چنانچہ اہل ایمان کو یہ امید کرنی چاہیےکہ اللہ تعالیٰ انہیں ان لوگوں میں شامل کردے جو اللہ تعالیٰ سے ڈرتے ہوئےاس کی خوشنودی حاصل کرتے ہیں ۔اللہ تعالیٰ کا خوف بڑی چیز ہے ۔ جسے یہ دولت حاصل ہوگی وہ بہت بڑا خوش نصیب ہے ۔ جس کےدل میں خوف الٰہی ہوگا وہ گناہوں سے دور رہے گا اوراس کےلیے بڑے برے درجات ہیں ۔ارشاد باری تعالیٰ ہے : وَلِمَنْ خَافَ مَقَامَ رَبِّهِ جَنَّتَانِ(سورۃ الرحمن:46) یعنی جو شخص قیامت کےدن اپنے رب کے سامنے کھڑے ہونے کاڈر اپنے دل میں رکھتا ہے اوراپنے تئیں نفس کی خواہشوں سےپچاتا ہے اور سرکشی نہیں کرتا ہے۔ زندگانی کے پیچھے پڑ کر آخرت سے غفلت نہیں کرتا ،بلکہ آخرت کی فکر زیادہ کرتا ہےاور اسے بہتر اور پائیدار سمجھتا ہے ۔ فرائض بجا لاتا ہے۔محرمات سےرکتا ہے قیامت کےدن اسے ایک نہیں بلکہ دو جنتیں ملیں گی۔اللہ تعالیٰ تمام ایمان اہل کواپنے دلوں میں اللہ تعالیٰ خوف اور تقویٰ ،پرہیزگاری پیدا کرنے کی توفیق عطافرمائے ۔زیر نظر کتاب ’’خوف خدا‘‘ ترکی کے نامور مصنف جدید اور سائنسی علوم کے ماہرمحترم ہارون یحییٰ﷾ کی تصنیف ہے۔ جس میں انہوں نے اپنے منفرد انداز میں خوف الٰہی کی حقیقت اور فوائد وثمرات کو آیات قرآنی کی روشنی میں بیان کیا ہے ۔ اللہ تعالیٰ اس کتاب کو لوگوں کےدلوں میں اپنا کاخوف پیدا کرنے کا ذریعہ بنائے (آمین )
| عناوین | صفحہ نمبر | |
| تعارف | 9 | |
| اللہ کا فرمان ہے مجھ سے ڈرو | 13 | |
| خوف خدا قرآن کی روشنی میں | 17 | |
| ایمان والے اللہ سے کیوں ڈرتے ہیں | 22 | |
| خوف خدا رکھنے والے انسان کی اخلاقی صفات کیا ہیں | 42 | |
| خوف الہٰی سے حاصل ہونے والے اوصاف | 49 | |
| اللہ کا خوف رکھنے کی وجوہات | 64 | |
| اللہ سے نہ ڈرنے والے کی صفات کیا ہیں | 81 | |
| خوف الہٰی نہ رکھنے والوں کو کیسے مصائب بھگتنا پڑتے ہیں | 98 | |
| حاصل بحث | 107 | |
| نظرئیہ ارتقاء کی فریب کاریاں | 110 |