کتاب الادب العالی( اسلامی آداب و اخلاق کا مجموعہ)
کتاب الادب العالی( اسلامی آداب و اخلاق کا مجموعہ)
مصنف : ڈاکٹر محمد ضیاء الرحمن الاعظمی
صفحات: 464
ڈاکٹر محمد ضیاء الرحمن اعظمی رحمہ اللہ (1943ء-2020ء) ہندوستانی نژاد سعودی عالم، متعدد کتابوں کے مصنف مشہور عالم دین اورعصر حاضر کے نامور محدث تھے۔ڈاکٹر ضیاء الرحمٰن اعظمی 1943ء میں اعظم گڑھ کے ایک ہندو گھرانے میں پیدا ہوئے۔ ان کا نام بانکے رام رکھا گیا تھا۔ لیکن اللہ تعالیٰ نے جس شخص کو اپنی ہدایت کے لیے منتخب کرلیا تھا، اس کی تربیت کا اہتمام بھی اسی شان سے کیا۔ڈاکٹر ضیاء الرحمن اعظمی نے اپنے کئی انٹرویوز میں بتایا کہ کس طرح وہ ایک ہندو گھرانے میں پیدا ہونے کے باوجود دین اسلام کی طرف راغب ہوئے۔دینی تعلیم کے حصول کےلیے دارالسلام عمرآباد میں داخل ہوئے وہاں سے فارغ ہونے کے بعد مزید تعلیم کے لیے جامعہ اسلامیہ مدینہ منورہ میں بآسانی مل گیا۔ چارسال جامعہ اسلامیہ میں تعلیم حاصل کرنے کے بعدجامعۃ الملک عبدالعزیز، مکہ مکرمہ میں ایم اے میں داخلہ لیا۔ ایم اے’’ابوہریرۃ فی ضوء مرویاتہ وفی جمال شواہدہ وانفرادہ‘‘ کے عنوان سے تحقیقی مقالہ پیش کیا۔اس کےبعد رابطہ عالم اسلامی، مکہ مکرمہ سے منسلک ہو گئے، رابطہ میں رہتے ہوئے بھی آپ نے اپنی تعلیم جاری رکھی۔ جامعہ ازہر (مصر) سے پی ایچ ڈی کی ہے۔ پی ایچ ڈی کے تحقیقی مقالہ میں ابن الطلاع المالکی کی کتاب ’’اقضیۃ رسول اللّٰہ صلی اللّٰہ علیہ وسلم‘‘۔پر تحقیق وتعلیق کا کام کیا ۔ان کا پی ایچ ڈی کایہ تحقیقی مقالہ 1978ء میں پہلی بار کتابی صورت میں مصر سے شائع ہوا۔ڈاکٹر صاحب کا سب سے عظیم کارنامہ ان کی تالیفِ ’الجامع الکامل في الحدیث الصحیح الشامل‘ ہے۔ اس میں تمام صحیح احادیث کو مختلف کتبِ احادیث ، مثلاً مؤطات ، مصنفات ، مسانید ، جوامع ، صحاح ، سنن ، معاجم ، مستخرجات ، أجزاء اور أمالی سے جمع کیا گیا ہے ۔ ہر حدیث کی تخریج کے بعد اس کے صحیح اور حسن کا درجہ بھی بیان کردیا گیا ہے ۔قارئین کی سہولت کے لیے اس کتاب کو فقہی ابواب پر مرتب کیا گیا ہے ۔ اس کا پہلا ایڈیشن دار السلام سعودی عرب سے 2016 میں 12 جلدوں میں شائع ہوا تھا ۔ دوسرا ایڈیشن 2019 میں دار ابن بشیر ، پاکستان سے 19 جلدوں میں طبع ہوا ہے ۔ ڈاکٹر اعظمی رحمہ اللہ اس عظیم الشان کتاب کےعلاوہ بھی ایک درجن سے زائد علمی وتحقیقی کتب کےمصنف ہیں۔موصوف کی بعض کتابیں سعودی عرب کی جامعات کے اعلیٰ درجوں کے کورس کا حصہ ہیں جس میں سر فہرست ’’دراسات فی الیہودیہ والمسیحیہ وادیان الہند‘‘ قابل ذکر ہے۔ زیر نظر کتاب ’’ اسلامی آداب واخلاق کا مجموعہ ‘‘ ڈاکٹر ضیاء الرحمن مرحوم کی عربی تصنیف ’’ الادب العالی‘‘ کا اردو ترجمہ ہے۔یہ کتاب دراصل ’’الجامع الکامل‘‘ سے انتخاب ہے، جو آدابِ زندگی کے تمام شعبوں پر محیط ہے۔اس مجموعے میں مؤلف نے اسلامی اخلاق وآداب کے مختلف ابواب کےتحت بارہ صد احادیث کا انتخاب پیش کیا ہے۔اگر ایک مسلمان اپنی زندگی میں ان آداب کا لحاظ رکھے تو وہ اسلام کا چلتا پھرتا نمونہ بن سکتا ہے۔ اللہ تعالیٰ ڈاکٹر ضیاء الرحمن اعظمی رحمہ اللہ کی تحقیقی وتصنیفی،تبلیغی وتدریسی جہود کو قبول فرمائے اور انہیں جنت الفردوس میں اعلیٰ وارفع مقا م عطا فرمائے ۔آمین
| عناوین | صفحہ نمبر |
| حف مسرت مولانا کاکا سعید احمد عمری | 20 |
| عرض مترجم | 22 |
| مکارم اخلاق | 24 |
| حسن اخلاق | 24 |
| لوگوں میں سب سے بہتر حسن اخلاق کے حاملین ہیں | 25 |
| سچائی کی فضیلت اور جھوٹ کی مذمت | 28 |
| نرمی کی فضیلت | 29 |
| درگزرکرنا مستحب ہے | 31 |
| بے شک اسلام یکسوئی والا آسان مذہب ہے | 32 |
| شرم و حیا | 32 |
| طلب علم میں کوئی حیا نہیں | 36 |
| ہر نیکی صدقہ ہے | 36 |
| کسی کو عطیہ دینا اور راہ بھٹکے ہوئے کو راستہ دکھانا | 38 |
| ملاقات کے وقت مسکراتے چہرے سے ملنا مستحب ہے | 38 |
| ہنسنا اور مسکرانا | 39 |
| جودو کرم اور سخاوت | 42 |
| کسی کے حسن سلوک پر اس کا شکریہ ادا کیا جائے | 44 |
| بردباری سنجیدگی اور سوچ سمجھ کر قدم اٹھانا | 45 |
| لوگوں کے درمیان اصلاح | 46 |
| لوگوں کے ساتھ اچھے انداز میں پیش آنا | 48 |
| عاجزی و انکساری | 49 |
| رحم دلی | 50 |
| جانوروں کے ساتھ رحم دلی | 53 |
| چھوٹوں کے ساتھ رحم دلی | 54 |
| گفتگو میں بڑوں کی تعظیم ہونی چاہیے | 55 |
| صاحب فضیلت لوگوں کی لغرشوں سے درگزر کرنا | 56 |
| بڑون کے لیے اور صاحب فضیلت کے لیے احتراما کھڑا ہونا | 57 |
| اپنے آپ کو شر سے روکنا بھی صدقہ ہے | 59 |
| اپنے گھر والوں کا ہاتھ بٹانا بھی حسن اخلاق ہے | 61 |
| عیوب کو چھپانے کی فضیلت | 63 |
| غصہ کو پی جانے کی فضیلت | 66 |
| مشورہ کی اہمیت | 66 |
| نفس پرستوں سے دوری اور ان سے نفرت | 74 |
| اہل ایمان کی روحوں کا ملاپ | 74 |
| جب کوئی کسی سے محبت کرے تو اس کو بتائیے | 76 |
| مریض کی عیادت کرنے والے کی فضیلت | 79 |
| روحیں فوج در فوج ہوتی ہیں | 81 |
| حس و نسب | 83 |
| خادم کے ساتھ معافی کا معاملہ زیادہ کرنا چاہیے | 85 |
| اپنے غلام پر زنا کی تہمت لگانے سے ڈرنا چاہیے | 87 |
| خادم کے ساتھ حسن سلوک کی عمدہ مثال | 90 |
| گھر میں کوڑا لٹکانے کا بیان | 91 |
| حسن سلوک اور صلہ رحمی | 92 |
| نیکی اور بدی کی تفسیر | 92 |
| والدین کے حق کی اہمیت | 95 |
| والدین کی نافرمانی کبیرہ گناہ ہے | 101 |
| خالہ کے ساتھ حسن سلوک | 104 |
| صلہ رحمی سے رزق میں کشادگی ہوتی ہے | 108 |
| قطع رحمی کرنے والا گناہ گار ہو گا | 111 |
| لڑکیوں سے نفرت کی ممانعت | 114 |
| بچی کو اپنے ساتھ کھیلنے دے | 117 |
| مسلمانوں کی صفات اور ان کے آپسی حقوق | 118 |
| اہل ایمان کی دوستی | 118 |
| خیر خواہی | 122 |
| بھائی چارہ اور معاہدہ | 122 |
| تلوار نیام بند کر دینا چاہیے | 128 |
| مسلمان کے عیوب کو چھپنانے کی فضیلت | 129 |
| مومن اپنے شیطان پر غالب آتا ہے | 131 |
| چھینک کا جواب کیسے دیا جائے | 132 |
| یتیموں بیواؤں مسکینوں کمزوروں اور ضرورت مندوں کا بیان | 137 |
| یتیم کی کفالت کرنے والے کی فضیلت | 137 |
| مسکینوں پر صدقہ کرنے کی فضیلت | 138 |
| بچوں کے ساتھ رحم دلی کا سلوک کرنا | 139 |
| پڑوسی کے حقوق اور پڑوس کے آداب | 140 |
| اجازت طلبی اور اسلام کے آداب | 150 |
| آنکھ کا زنا بدنگاہی ہے | 151 |
| اجازت طلبی کا طریقہ | 154 |
| سلام کی شروعات | 162 |
| سلام کو عام کرنے کا حکم | 164 |
| سوار پیدل چلنے والے کو سلام کرے | 167 |
| بچوں کو سلام کرنے کا بیان | 168 |
| سلام کا جواب کیسے دیا جائے | 171 |
| سلام کرنے میں بخلی کرنا | 175 |
| مصافحہ اور معانقہ | 183 |
| بچوں کو بوسہ دینا | 187 |
| اٹھنے بیٹھنے اور مجلس کے آداب | 192 |
| کھانے پینے کے آداب | 199 |
| دائیں ہاتھ سے کھانا اور پینا چاہیے | 201 |
| بلا عذر بائیں ہاتھ سے کھانے کی کراہت | 201 |
| کھانے کے لیے بیٹھنے کا طریقہ | 205 |
| ٹیک لگا کر کھانا | 206 |
| حصول برکت کے لیے انگلیاں اور برتن چاٹنا | 207 |
| تین انگلیوں سے کھانے کا استحباب | 208 |
| کھانے کے لیے وضو کی ضرورت نہیں | 209 |
| کھانے پر عیب نہ لگایا جائے | 210 |
| شکم سیر ہو کر کھانے کا جواز | 213 |
| گرم کرم کھانے کی کراہت | 221 |
| گوشت کو چاقو سے کاٹنا | 221 |
| کھڑے ہو کر پینے کی ممانعت | 224 |
| ٹوٹے ہوئے پیالے میں پینے کی کراہت | 230 |
| منہ لگا کر پانی پینا | 230 |
| دودھ میں پانی ملا کر پینے کا بیان | 234 |
| ہڈی اور گوبر جنوں کی غذا ہے | 238 |
| سہولت ہو تو قیلولہ کرنا مستحب ہے | 241 |
| مہمان نوازی اور کھلانے پلانے کے آداب | 242 |
| مہمان کی خاطر تواضع | 242 |
| مہمان کا حق | 246 |
| کھانے کی دعوت قبول کرنا چاہیے | 248 |
| سب سے پہلے مہمان نوازی کس نے کی ؟ | 253 |
| آٖدمی کو اپنے گھر میں کھانے پر بلانا | 253 |
| مہمان کی موجودگی میں غصہ اور رنج کا اظہار کرنا ناپسندیدہ ہے | 256 |
| پرہیز گار ہی کو کھانے کی دعوت دی جائے | 258 |
| کافر کی مہمان نوازی کا جواز | 259 |
| اپنے دوست کی ملاقات کے لیے صبح و شام جانے کی اجازت | 261 |
| لباس اور زینت کے آداب | 262 |
| کھڑے ہو کر جوتا پہننے کی ممانعت | 262 |
| ایک جوتا پہن کر چلنے کی ممانعت | 263 |
| بالوں میں کنگھی کرنے ان کو چھوڑنے اور ان کی اصلاح کا بیان | 264 |
| وفود اور ملاقاتیوں کے استقبال کے لیے سنورنا | 265 |
| نام کنیت اور لقب کا بیان | 266 |
| آداب گفتگو الفاظ اور خطوط نویسی کا بیان | 286 |
| رات اور دن کے آداب کا بیان | 348 |
| کھیل کود اور دیگر کوششوں کا بیان | 353 |
| راستے پر چلنے پھرنے اور سفر کے آداب | 359 |
| جانوروں کے ساتھ نرمی کا سلوک کرنا چاہیے | 370 |
| برے اخلاق کا بیان | 392 |
| نفاق اور منافقین کا بیان | 447 |