قرآنیات قرآنی مباحث پر مضامین کا مجموعہ
مصنف : پروفیسر محمد رفیق چودھری
صفحات: 341
قرآن مجید پوری انسانیت کے لیے کتاب ِہدایت ہے، او ر اسے یہ اعزاز حاصل ہےکہ دنیا بھرمیں سب سے زیاد ہ پڑھی جانے والی کتاب ہے ۔ اسے پڑھنے اور پڑھانے والوں کو امامِ کائنات نے اپنی زبانِ صادقہ سے معاشرے کے بہتر ین لوگ قراردیا ہے اور اس کی تلاوت کرنے پر اللہ تعالیٰ ایک ایک حرف پرثواب عنایت کرتے ہیں۔قرآن کریم اللہ کہ وہ مقدس کتاب ہے جس کی خدمت باعثِ خیر وبرکت اور ذریعۂ بخشش ونجات ہے ۔یہی وجہ ہےکہ قرونِ اولیٰ سے عصر حاضر تک علماء ومشائخ کے علاوہ مسلم معاشرہ کے مختلف طبقات سے تعلق رکھنے والے اصحاب بصیرت نے حصول برکت کی خاطر اس کی کسی نہ کسی صورت میں خدمت کی کوشش کی ہے ۔اہل علم نے اگر اس کے الفاظ ومعانی ،مفاہیم ومطالب ،تفسیر وتاویل ،قراءات ولہجات کی صورت میں کام کیا ہے تو دانشوروں نے اس کے مختلف زبانوں میں تراجم ،کاتبوں نے مختلف خطوط میں اس کی کتابت کی ،ادیبوں اور شاعروں نےاس کے محامد ومحاسن کواپنے الفاظ میں بیان کر کے اس کی خدمت کی اور واعظوں اور خطیبوں نے اپنے وعظوں اور خطبات سے اس کی تعریف اس شان سے بیان کی کہ ہر مسلمان کا دل ا س کی تلاوت ومطالعہ کی جانب مائل ہواا ور امت مسلمہ ہی نہیں غیر مسلم بھی اس کی جانب راغب ہوکر اس سے منسلک ہوگئے ۔ بعض اہل علم وقلم نے اس کے موضوعات ومضامین پر قلم اٹھایا ااور بعض نے اس کی انڈیکسنگ اور اشاریہ بندی کی جانب توجہ کی ۔ زیر نظر کتاب ’’قرآنیات ‘‘ماہنامہ محدث کے معروف مضمون نویس اور کئی کتب کے مصنف ومترجم محترم مولانا محمد رفیق چودھری ﷾ کے قرآن مجید کے علوم ومعارف اور احکام ومباحث کے متعلق لکھے گئے 13 مضامین کا مجموعہ ہے چوہدری صاحب کے یہ مضامین دینی رسائل وجرائد میں شائع ہوچکے ہیں بعدازاں انہوں نے ان مضامین کو ’’قرآنیات ‘‘ کے نام سے کتابی صورت میں مرتب کیا ہے ۔فاضل مصنف کی زندگی کا طویل حصہ قرآن مجید سمجھنے سمجھانے اور اس کی نحوی وتفسیری مشکلات حل کرنے میں گزرا ہے۔ کتاب ہذا کے علاوہ آپ کئی دینی کتب کے مصنف ومترجم ہیں جن میں قرآن کریم کا اردو وانگلش ترجمہ اور10 جلدوں پر مشتمل تفسیر االبلاغ بھی شامل ہے ۔اللہ تعالیٰ ان کی تدریسی وتعلیمی اور تحقیقی وتصنیفی خدمات کو قبول فر ما ئے(آمین)
| عناوین | صفحہ نمبر |
| دیباچہ | 8 |
| فہرست مضامین | 3 |
| اسماء قرآن | 11 |
| قرآن اور رسول کا باہمی تعلق | 39 |
| قرآن ورسولؐ میں روح وقالب کاتعلق | 40 |
| رسول ؐ بحیثیت معلم وبشارح | 41 |
| رسولﷺبحیثیت شارع | 42 |
| رسول اللہﷺ بحیثیت مطاع | 43 |
| رسول اللہﷺ بحیثیت مبین قرآن | 44 |
| قرآن کے کسی مطلق حکیم کی تقیید یا تحدید کرنا | 46 |
| قرآن کی ایک تشبیہ | 58 |
| اہم الفاظ کی تحقیق | |
| عربی میں قلب کا مفہوم | |
| قساوت قلبی کیا ہے؟ | |
| قرآن کی احکامی اور غیر احکامی آیات | 79 |
| قرآن میں اصحاب فیل کا واقعہ | 98 |
| الم تر کے معنی | 98 |
| تفسیر القرآن بالقرآن | 102 |
| ارسل علیہم کے معنی | 105 |
| ترمیہم کا مفہوم | 107 |
| بحجارۃ من سجیل کےمعنی | 109 |
| حاصب یعنی سخت آندھی | 111 |
| نصرت الہٰی کاقانون | 112 |
| اجماع امت کے خلاف | 115 |
| قریش پر بے حمیتی کا الزام | 116 |
| تفسیر سورہ کوثر | 119 |
| تعارف | 119 |
| زمانہ نزول | 119 |
| شان نزول | 122 |
| ماقبل سورہ سے ربط | 124 |
| مابعد سورہ سے ربط | 125 |
| لغوی تحقیق | 126 |
| کوثر کی تاویل | 126 |
| ان اقوال میں تطبیق | 129 |
| انا اعطینک الکوثر | 132 |
| الفاظ کا در وبست اور فصاحت وبلاغت | 132 |
| کوثر کی بشارت | 137 |
| کیا کوئی رسول کبھی قتل نہیں ہوا؟ | 140 |
| قرآن کے نصوص | 143 |
| متجددین کا فکری تضاد | 145 |
| قرآن اور عشر | 150 |
| عشر کیا ہے؟ | 156 |
| قرآن اور عشر | 156 |
| قرآن اور جرم زنا کی سزا | 178 |
| جرم زنا کی شناعت | 178 |
| زنا مجموعہ جرائم ہے | 180 |
| شادی شدہ آدمی کا جرم زنا | 183 |
| قرآن میں جرم زنا کی سزا | 186 |
| محصنات کامفہوم | 189 |
| سیاق کلام | 193 |
| حالت احصان | 195 |
| محصنات کے مفہوم کے بارےمیں مفسرین کرام کی آراء | 201 |
| آیت جلد کا حکم | 205 |
| آیت جلد اور مفسرین کرام | 206 |
| قرآن حکیم اور قتل نفسی | 218 |
| سنت اور سزائے رجم | 233 |
| فقہائے اسلام اور حد رجم | 244 |
| حد رجم کا اثبات | 253 |