سیدنا محمد رسول اللہ ﷺ سیرت النبی کے شاداب پھول جلد اول
سیدنا محمد رسول اللہ ﷺ سیرت النبی کے شاداب پھول جلد اول
مصنف : عمر فاروق
صفحات: 689
اس روئے ارض پر انسانی ہدایت کے لیے حق تعالیٰ نے جن برگزیدہ بندوں کو منتخب فرمایا ہم انہیں انبیاء ورسل کی مقدس اصطلاح سے یاد رکرتے ہیں اس کائنات کے انسانِ اول اور پیغمبرِاول ایک ہی شخصیت حضرت آدم کی صورت میں فریضۂ ہدایت کےلیے مبعوث ہوئے ۔ اور پھر یہ کاروانِ رسالت مختلف صدیوں اور مختلف علاقوں میں انسانی ہدایت کے فریضے ادا کرتے ہوئے پاکیزہ سیرتوں کی ایک کہکشاں ہمارے سامنے منور کردیتاہے ۔درخشندگی اور تابندگی کے اس ماحول میں ایک شخصیت خورشید جہاں تاب کی صورت میں زمانےاور زمین کی ظلمتوں کو مٹانے اورانسان کےلیے ہدایت کا آخری پیغام لے کر مبعوث ہوئی جسے محمد رسول اللہ ﷺ کہتے ہیں ۔ آج انسانیت کےپاس آسمانی ہدایت کا یہی ایک نمونہ باقی ہے۔ جسے قرآن مجید نےاسوۂ حسنہ قراردیا اور اس اسوۂ حسنہ کےحامل کی سیرت سراج منیر بن کر ظلمت کدۂ عالم میں روشنی پھیلارہی ہے ۔ رہبر انسانیت سیدنا محمد رسول اللہ ﷺ قیامت تک آنے والےانسانوں کےلیے’’اسوۂ حسنہ‘‘ ہیں ۔حضرت محمد ﷺ ہی اللہ تعالیٰ کے بعد ،وہ کامل ترین ہستی ہیں جن کی زندگی اپنے اندر عالمِ انسانیت کی مکمل رہنمائی کا پوراسامان رکھتی ہے ۔ انسان کے لکھنے پڑھنے کی ابتدا سے اب تک کوئی انسان ایسا نہیں گزرا جس کے سوانح وسیرت سے متعلق دنیا کی مختلف زبانوں میں جس قدر محمد رسول اللہ ﷺ کی سیرت کے متعلق لکھا جاچکا ہے اور لکھا جارہا ہے ۔اردو زبان بھی اس معاملے میں کسی بھی زبان سے پیچھے نہیں رہی اس میں حضورﷺ سے متعلق بہت کچھ لکھا گیا ہے ۔حضور اکرم ﷺ کی ذات اقدس پر ابن اسحاق اورابن ہشام سے لے کر گزشتہ چودہ صدیوں میں اس ہادئ کامل ﷺ کی سیرت وصورت پر ہزاروں کتابیں اورلاکھوں مضامین لکھے جا چکے ہیں اورکئی ادارے صرف سیرت نگاری پر کام کرنے کےلیےمعرض وجود میں آئے ۔اور پورے عالمِ اسلام میں سیرت النبی ﷺ کے مختلف گوشوں پر سالانہ کانفرنسوں اور سیمینار کا انعقاد بھی کیا جاتاہے جس میں مختلف اہل علم اپنے تحریری مقالات پیش کرتے ہیں۔ ہنوذ یہ سلسلہ جاری وساری ہے ۔یہ سب اس بات کا بیّن ثبوت ہے کا انسانوں میں سے ایک انسان ایسا بھی تھا اور ہے کہ جس کی ذات کامل واکمل پر جس قدر بھی لکھا جائے کم ہے اور انسانیت اس کی صفات ِ عالیہ پر جس قدر بھی فخر کرے کم ہے ۔ زیر نظر کتاب ’’ سیدنا محمد ﷺسیرت النبی کے شاداب پھول‘‘ محترم جنا ب شیخ عمر فاروق کی سیرت پاک پر ایک گراں قدر دستاویز ہے جو کہ دو جلدوں پر مشتمل ہے جلد اول میں سیرت نبویﷺ کے مختلف واقعات اور جلد دوم رسول اللہ ﷺ کی تعلیمات اور اسلامی طرزِ زندگی پر قرآن وسنت کی مبارک ہدایات پر مشتمل ہے۔اس کتاب کا انداز سیرت کی دیگر کتابوں کی طرح تاریخی ترتیب وتسلسل جیسا نہیں ہے بلکہ اس میں سیرت کےتابناک اور درخشاں پہلوؤں کو اجاگر کیاگیا ہے جس سے یہ مجموعہ اسلامی تعلیمات کا ایک حسین مرقع اور آپ ﷺ کے حسنِ اخلاق ورفعت کردار کا ایک پیکر جمیل بن گیا ہے۔اس کتاب کی ایک خوبی یہ بھی ہےکہ اس میں جابجا علامہ اقبال، مولانا حالی، اور حفیظ جالندھری اور دیگر اسلامی شعراء کے اشعار نگینوں کی طرح جڑے ہوئے ہیں جن سے کتاب کی افادیت اور اثر آفرینی دو چند ہوگئی ہے۔اللہ تعالیٰ مصنف کی تمام مساعی حسنہ کو شرفِ قبولیت سے نوازے ۔اور ان کے میزان حسنات میں اضافہ فرمائے ۔(آمین)
| عناوین | صفحہ نمبر |
| حرف اول | 21 |
| مقدمہ | 33 |
| تزکیہ نفس کرنےوالےرسولﷺ | 49 |
| مومنوں پر رؤوف اورحیم نبیﷺ | 59 |
| خلق عظیم ﷺ | 68 |
| رحمت للعالمین ﷺ | 75 |
| انسان کاملﷺ | 82 |
| خاتم النبیینﷺ | 89 |
| رسول رحمتﷺ | 97 |
| سراجا منیراﷺ | 106 |
| رہبرانسانیتﷺ | 113 |
| رسول اللہﷺ پر آغازوحی | 123 |
| مبلغ اعظم ﷺ | 132 |
| پیغمبرانسانیتﷺ | 142 |
| بےداغ سیرت وکراداکامالکﷺ | 149 |
| روشن ضمیررسولﷺ | 156 |
| دریتیم ﷺ | 162 |
| داعی الیﷺ | 174 |
| نڈرداعی الی اللہﷺ | 184 |
| عزیمت وصبرکےکوہ گراںﷺ | 194 |
| ہجرت نبویﷺ | 203 |
| صابررسولﷺ | 213 |
| صبروثبات کاداعیﷺ | 220 |
| جنات کی طرف رسولﷺ | 228 |
| دعوت عام دینےوالےرسولﷺ | 236 |
| دعوت رسول پر لبیک کہنےوالےصحابہ | 243 |
| رسول اللہﷺکاسفرمعراج | 254 |
| جان نثاران رسولﷺ | 262 |
| آپﷺ کےساتھ جہادکرنےوالےصحابہ | 273 |
| ہجرت نبویﷺ | 279 |
| اہل مدینہ کاایثار اوراستقبال | 293 |
| محسن انسانیت ﷺ | 301 |
| اسلام کانظام مساجد | 308 |
| اہل اسلام کی نماز | 320 |
| اہل اسلام کی نماز(ب) | 329 |
| اقامت صلوۃ(ج) | 238 |
| اقامت صلوۃ(و) | 348 |
| اذان اورآاداب مجلس رسولﷺ | 366 |
| قرآن حکیم رسول اللہﷺ کادائمی معجزہ | 376 |
| نبی امیﷺ | 387 |
| دعوت دین اوراس کاطریقہ کار | 398 |
| رسول اللہﷺاورتبلیغ دین(الف) | 405 |
| رسول اللہﷺ اورتبلیغ دین(ب، | 415 |
| داعی اللہ کی صفات | 415 |
| العلم | 415 |
| العمل | 417 |
| الاخلاص | 419 |
| الحلم | 423 |
| الاستقامة | 426 |
| التواضع | 429 |
| عفوودكزر | 432 |
| حق :كوئي | 437 |
| العفة | 440 |
| القناعة | 448 |
| الصبر | 466 |
| الصدق | 473 |
| حسن اخلاق | 480 |
| الحكمة | 492 |
| معرفة الله عزوجل | 500 |
| قوة البيان | 512 |
| رسول اللہﷺکاخطبہ تبوک | 505 |
| اتباع رسولﷺ اورحب الہیٰ | 321 |
| خدمت خلق | 621 |
| ایثار | 624 |
| حسن معاملہ | 628 |
| حسن خلق | 629 |
| کھانےپینےکےانداز | 641 |
| سونےجاگنےکےآداب | 649 |
| آداب لباس | 655 |
| آداب گفتگو | 659 |
| استقامت | 663 |
| اخلاص | 664 |
| صبروشکر | 674 |