ضابطہ اخلاق سیرت طیبہ ﷺ کی روشنی میں
ضابطہ اخلاق سیرت طیبہ ﷺ کی روشنی میں
مصنف : ڈاکٹر عبد الغفور راشد
صفحات: 201
اللہ تبارک وتعالیٰ نے مسلمانوں کو ایک بڑی دولت اور نعمت سے نوازا ہے، جو پورے دین کو جامع اور اس کی تبلیغ کا بہترین ذریعہ ہے۔ وہ نعمت اور دولت اخلاق ہے، ہمارے نبی حضرت محمد رسول اللہﷺ اخلاق کے اعلیٰ معیار پر تھے، چنانچہ آپﷺ کی راز دار زندگی اور آپﷺ کی زوجہ محترمہ سیدہ عائشہ ؓ عنہا فرماتی ہیں، ”آپﷺ کے اخلاق کا نمونہ قرآن کریم ہے“۔ آپﷺ نے اپنے ہر قول وفعل سے ثابت کیا کہ آپﷺ دنیا میں اخلاقِ حسنہ کی تکمیل کے لیے تشریف لائے، ارشاد نبوی ہے: ”بعثت لاتتم مکارم الاخلاق“ یعنی ”میں (رسول اللہ ﷺ) اخلاق حسنہ کی تکمیل کے واسطے بھیجا گیا ہوں“۔ پس جس نے جس قدر آپﷺ کی تعلیمات سے فائدہ اٹھاکر اپنے اخلاق کو بہتر بنایا اسی قدر آپﷺ کے دربار میں اس کو بلند مرتبہ ملا، صحیح بخاری کتاب الادب میں ہے، ”ان خیارکم احسن منکم اخلاقا“ یعنی ”تم میں سب سے اچھا وہ ہے جس کے اخلاق سب سے اچھے ہوں۔ حضورﷺ کی ساری زندگی اخلاقِ حسنہ سے عبارت تھی، قرآن کریم نے خود گواہی دی ”انک لعلی خلق عظیم“ یعنی ”بلاشبہ آپﷺ اخلاق کے بڑے مرتبہ پر فائز ہیں“۔ آپ ﷺ لوگوں کوبھی ہمیشہ اچھے اخلاق کی تلقین کرتے آپ کے اس اندازِ تربیت کےبارے میں حضرت انس کہتے ہیں۔ رایته یامر بمکارم الاخلاق(صحیح مسلم :6362) میں نے آپ کو دیکھا کہ آپ لوگوں کو عمدہ اخلاق کی تعلیم دیتے ہیں۔ زیر نظر کتاب ’’ ضابطہ اخلاق سیرت طیبہﷺ کی روشنی میں ‘‘مرکزی جمعیت اہل حدیث ، پاکستان کے مرکزی رہنما ڈاکٹر عبد الغفور راشد﷾ کی تصنیف ہے ۔یہ کتاب نہایت عمدہ ، مفید اور قابل قدر دستاویز پر مشتمل ہے ۔فاضل مصنف نے اس کتاب میں مستند اسلامی مآخذ کی روشنی میں اخلاق کی اہمیت وضرورت ، دورِ نبوی کے مختلف معاہدات کی تفصیل اسلامی خلافت کے مختلف ادوار میں اقلیتوں کے حقوق کے تحفّظ ، مذہبی ہم آہنگی اور معاشرے کے مختلف طبقات کی ذمہ داریوں کو احسن انداز سے بیان کیا ہے۔ کتاب کےآخر میں ’’قیام امن کے لیے چند اہم تجاویز‘‘ کے عنوان 30 تجاویز پیش کی ہیں ۔یہ کتاب تمام طبقوں کے لیے یکساں مفید ہے حتی کہ غیرمسلم بھی اس سے مستفید ہوسکتے ہیں ۔اللہ تعالیٰ اس کتاب کو عامۃ الناس کے لیے نافعہ بنائے اور مصنف کی اس کاوش کوقبول فرکر انہیں اس کا بہتر بدلہ عطا فرمائے ۔ آمین
| عناوین | صفحہ نمبر |
| مقدمہ … پروفیسرساجد میر | 7 |
| کلماتِ تقدیم …. مولانا محمد حنیف جالندھری | 8 |
| کلمات تقریظ….. جناب لیاقت بلوچ | 11 |
| کلماتِ تقریر… جناب مجیب الرحمن شامی | 15 |
| کلمات ِ تصدیر ….. پروفیسر محمد یٰسین ظفر | 16 |
| کلماتِ تشجیع …. علامہ محمد افضل حیدری | 19 |
| کلماتِ تحسین …. مولانا غلام محمد سیالوی | 20 |
| حرفے چند ….. حافظ محمد سلیمان اعظم | 22 |
| عرضِ مؤلف … ڈاکٹر عبد الغفور راشد | 24 |
| ضابطہ اخلاق سیرت طیبہ ﷺکی روشنی میں | |
| اخلاق کی حقیقت و معنویت | 27 |
| اخلاق رذیلہ کے مراکز | 28 |
| اخلاق حسنہ کے سرچشمے | 30 |
| ضابطہ اخلاق سیرت طیبہ ﷺکی روشنی میں | 33 |
| اسلام کی ہمہ گیریت | 37 |
| حاکم اعلیٰ | 38 |
| حکمرانوں کا انتخاب | 39 |
| مذہبی رواداری کا فروغ | 41 |
| انسانی حقوق کا تحفظ | 44 |
| عام لوگوں سےسلوک | 45 |
| قوم و ملک کاوقار | 46 |
| انتظامی اصلاحات | 47 |
| معاہدات کی پاسداری | 49 |
| مہاجرین و انصار اور یہودی قبائل کےدرمیان تاریخی معاہدہ ( میثاق مدینہ ) | 51 |
| معاہدہ امن ( صلح حدیبیہ ) | 58 |
| معاہدہ امن کی شرائط | 60 |
| معاہدہ کی ظاہری مشکلات | 61 |
| معاہدہ امن کے ثمرات | 61 |
| انسانی تکریم کی اعلیٰ ترین مثال فتح مکہ | 61 |
| افواج کو احکام | 62 |
| عظیم فتح اور دلربا انداز | 62 |
| سرداران مکہ کااضطراب | 63 |
| عام معافی اور انسانی تقدس کا اعلان | 64 |
| انسانی حقوق کا عالمگیر چارٹر ( خطبہ حجۃ الوداع) | 66 |
| عہد نبوی ﷺمیں قیام امن کے لیے عملی اقدامات کی ایک جھلک | 69 |
| عہد نبوی ﷺمیں اقلیتوں کےحقوق | 73 |
| انہی لوگوں سےایک معاہدے کی بعض دفعات | 73 |
| عہد صدیقی ؓ میں اقلیتوں کے حقوق | 75 |
| عہد فاروقی ؓ میں اقلیتوں کےحقوق | 77 |
| عہد عثمانیؓ میں اقلیتوں کےحقوق | 79 |
| عہد علویؓ میں اقلیتوں کے حقوق | 81 |
| عہد عمر بن عبد العزیز | 83 |
| فتنہ وفساد کا خاتمہ | 86 |
| بین المذاہب ہم آہنگی | 97 |
| بین المسالک ہم آہنگی | 101 |
| حضرت امام ابو حنیفہ | 102 |
| حضرت امام احمد بن حنبل | 103 |
| حضرت امام مالک | 103 |
| حضرت امام شافعی | 103 |
| حضرت علی کا قول | 105 |
| حکمرانوں کی ذمہ داری | 108 |
| ہندو مفکر چانکیا | 112 |
| اسلامی مفکر ابن خلدون | 112 |
| ملک عبد العزیز ابن سعود کےاصول حکمرانی | 113 |
| جماعتوں کے سربراہوں اور لیڈروں کی ذمہ داری | 115 |
| علماء کرام کی ذمہ داری | 121 |
| ذرائع ابلاغ کی ذمہ داری | 127 |
| صحافت کی تاریخی حیثیت | 127 |
| صحافت کی تعریف | 128 |
| صحافت کی لغوی تعریف | 129 |
| صحافت کی اہمیت | 129 |
| خبر اور پروپیگنڈا | 130 |
| صحافت و خبر کی مقدس نسبت | 132 |
| قابل توجہ امور | 133 |
| خبر کی تحقیق | 134 |
| خواتین کی ذمہ داری | 138 |
| اساتذہ کرام اور معالجین کی ذمہ داری | 144 |
| نوجوانوں اور کارکنوں کی ذمہ داری | 148 |
| برصغیر میں اسلام کی آمد | 154 |
| ائمہ دین اورعدم فرقہ واریت | 156 |
| قیام پاکستان کا پس منظر | 158 |
| قرار داد پاکستان | 160 |
| علامہ اقبال اورپاکستان کی اساس | 162 |
| قائد اعظم اوراساس پاکستان | 165 |
| نوابزادہ لیاقت علی خان اوراساس پاکستان | 167 |
| قیام پاکستان | 168 |
| قرار داد مقاصد | 170 |
| پاکستان کا مثبت وکامیاب سفر | 173 |
| اکابر علماء کا مثبت کردار | 175 |
| اہم دستاویز 22 نکات | 177 |
| اسماء گرامی حضرات شرکاء اجلاس | 180 |
| اسلامی جمہوریہ پاکستان کا متفقہ دستور 1973ء | 183 |
| 1973 دستور کے اہم نکات | 185 |
| اسلامی نظریاتی کونسل | 186 |
| ادارہ تحقیقات اسلامی | 186 |
| متفقہ اعلامیہ | 187 |
| پیغام پاکستان کےاہم نکات | 193 |
| قیام امن کے لیے چند اہم تجاویز | 194 |
| مصنف کے بارے میں | 196 |