زوال مغرب
زوال مغرب
مصنف : اوسو الڈ سپنگلر
صفحات: 500
بلاشبہ یہ ایک حقیقت ہے کہ موجودہ دور مغربی تہذیب اور کلچر کا دور ہے۔معاشرہ انسانی کے تمام شعبوں میں تنظیم سازی اسی کے مطابق کی جارہی ہے۔بلکہ اس میں کچھ کجی یا کمی رہ جائے تو غلط متصور کیا جاتا ہے۔اور اس کی اصلاح کے لیے زور بھی دیا جاتا ہے۔تمام ادارے اسی کےمطابق پروان چڑھائے جارہے ہیں۔اسی وجہ سے مادی مفادات کا بہاؤ بھی اسی کی طرف ہے۔لیکن یہ بھی ایک حقیقت ہے کہ دنیا کی باقی تہذیبوں کی طرح اسے بھی دوام نہیں مل سکتا۔انسانیت کی تاریخ نے ابھی تک اکیس سے زائد تہذیبیں دیکھیں ہیں۔ وہ سب اپنے دور میں حرف آخر سمجھی گئیں۔اور ان تہذیبوں کے موجدین نے بھی یہی نقارہ بجایا کہ ہم صحیفہ کائنات کی آخری سطر ہیں۔ لیکن وقت گزرنے کے ساتھ ساتھ وہ ایک کہانی بن گئی ۔اسی طرح موجودہ مغربی تہذیب کے موجدین اور مقلدین اس کے سحر میں اس قدر اسیر نظر آتے ہیں کہ وہ اس کے خلاف ایک حرف شکایت بھی سننا نہیں چاہتے۔ لیکن کچھ لوگ حقیقت بینی کا رویہ اپنا کر اظہار صدق کی جرات کرہی دیتے ہیں۔ زیر نظر کتا ب میں مصنف نے ان اسباب و عوامل کی طرف نشاندہی کی جو یہ بتاتے ہیں کہ موجودہ مغربی تہذیب زوال کے قریب ہے۔ا س سلسلے میں وہ مختلف تہذیبی مظاہر کو زیر مطالعہ لے کر آئے ہیں۔ اور چونکہ مصنف مغربی تہذیب کی بقا اور دوام چاہتے ہیں اس لیے وہ ساتھ ساتھ اس طرف بھی اشارہ کرتے جاتے ہیں کہ ان خامیوں کوکیسے دور کیا جائے۔
| عناوین | صفحہ نمبر | |
| حصہ اول | ||
| باب اول جدید اور کلاسیکی ریاضی | 9 | |
| باب دوم مطالب اعداد | 37 | |
| باب سوم تاریخ عالم کا مسئلہ | 65 | |
| باب چہارم عالمی تاریخ کا مسئلہ | 81 | |
| باب پنجم عظیم کائنات | 111 | |
| باب ششم عظیم کائنات( شمسی ، فاؤستی اور مجوسی روح) | 123 | |
| باب ہفتم موسیقی اور صناعی فنون صورت گری | 142 | |
| باب ہشتم موسیقی اور صناعی ( عریانی اور پیکر تراشی) | 162 | |
| باب نہم تمثال روح اور احساس حیات ( روح کی ہیت) | 185 | |
| باب دہم تمثال روح اور احساس حیات (بدھ مت ، رواقیت اور اشتمالیت) | 206 | |
| باب یازدہم فاؤستی اور شمسی فطرت علم | 227 | |
| حصہ دوم | ||
| باب اول ابتداء اور مناظر فطرت | 259 | |
| باب دوم ابتداء اور فطری مناظر ( اعلیٰ ثقافتوں کا طبقہ) | 268 | |
| باب سوم باب دوم ابتداء اور فطری مناظر( ثقافتوں کے مابین روابط) | 283 | |
| باب چہارم شہر اور باشندے ( نسلین اور اقوام ۔ روح مدنیت) | 301 | |
| باب پنجم شہر اور باشندے ( عوام الناس ، اقوام ، نسلیں اور زبانیں) | 314 | |
| باب ششم شہر اور باشندے ( ابتدائی ثقافتوں کے باشندے ، فلاحین اور نسل وقوم) | 338 | |
| باب ہفتم عرب ثقافت کے مسائل ( نیم تاریخی اشکال یا تاریخی قلب ماہیت) | 355 | |
| باب ہشتم عرب ثقافت کے مسائل ( مجوسی روح) | 375 | |
| باب نہم عرب ثقافت کے مسائل | 389 | |
| باب دہم ریاست ( ریاستوں کے مسائل ) | 420 | |
| باب یازدہم ریاست اور تاریخ | 436 | |
| باب دوازدہم ریاست اور فلسفہ سیاسیات | 465 | |
| باب سیزدہم معاشی زندگی کی عالمی ہئیت | 476 | |
| باب چہاردہم معاشی زندکی کی عالمی ہئیت مشین | 490 |