اسلامی صحافت
اسلامی صحافت
مصنف : سید عبید السلام زینی
صفحات: 354
معاشرے کو اسلامی سانچے میں ڈھالنے کے لئے اصلاح وتجدید کی جو کوششیں ہو رہی ہیں،ان کا تقاضا ہے کہ معاشرے کے ہر شعبے کے بارے میں اسلامی تعلیمات کو مرتب شکل میں پیش کرنے کی سعی کی جائے۔صحافت اور ذرائع ابلاغ بھی جدید معاشرے کا نہ صرف اہم شعبہ ہیں ،بلکہ یہ دوسرے تمام شعبوں پر اثر انداز ہو کر ان کی صورت گری کرنے میں اہم کردار ادا کرتے ہین۔اس لئے اس شعبے کا اسلامی بنیادوں پر استوار ہونا نہایت ضروری ہے،لیکن بد قسمتی سے اب تک اس طرف کوئی توجہ نہیں دی جارہی ہے اور اس باب میں کوئی سنجیدہ علمی کوشش نہیں کی گئی ہے۔اس شعبے میں اسلامی اصول واحکام کی کماحقہ پابندی نہ ہونے کے مضمر اثرات بہت نمایاں ہیں۔ایک طرف صحافت اور اہل صحافت کا اخلاقی معیار متاثر ہو رہا ہے تو دوسری طرف اس کمی کے باعث ہمارے معاشرے میں گوناگوں خرابیوں کو راہ مل رہی ہے۔زیر تبصرہ کتاب (اسلامی صحافت) سید عبید السلام زینی کی تصنیف ہے جو اسلامی صحافت کے اصولوں پر لکھی گئی اپنی طرز کی ایک پہلی کتاب ہے۔فاضل مولف نے حالات کی نزاکت کا احساس کرتے ہوئے صحافت کی اصلاح کا بیڑہ اٹھایا ہے اور کئی سال کی محنت اور عرق ریزی کے بعد یہ کتاب مرتب کر کے صحافت کے اسلامی اصول مرتب فرما دیئے ہیں۔یہ کتاب اپنے موضوع پر ایک منفرد اور پہلی کتاب ہے،صحافت کے تمام طالب علموں کو اس کا ضرور مطالعہ کرنا چاہئے اور اپنی صحافتی خدمات کو اسلام کی خدمت میں کھپا دینا چاہئے۔اللہ تعالی مولف کی اس کاوش کو قبول فرمائے اور ان کے میزان حسنات میں اضافہ فرمائے۔آمین
| عناوین | صفحہ نمبر | |
| والد محترم کے نام | 10 | |
| پیش لفظ | 11 | |
| غایت تصنیف | 13 | |
| اسلامی نظریہ صحافت | 18 | |
| عالم اسلام کے لیے چیلنج | 22 | |
| پہلا باب صحافت کیا ہے ؟ | 25 | |
| دوسرا باب صحافت اور اسلام | 27 | |
| تیسرا باب صحافت پر پابندی کیوں؟ | 49 | |
| چوتھا باب آزادی صحافت کے حدود | 65 | |
| پانچواں باب صحافت اور ضمیر کی آواز | 75 | |
| چھٹا باب تحریر و نگارش کے اخلاقی پہلو | 89 | |
| ساتواں باب صحافت مشن اور پالیسی | 123 | |
| آٹھواں باب صحت خبر کی اہمیت | 131 | |
| نواں باب وقائع نگاری کے آداب | 145 | |
| دسواں باب اداریہ نگاری کے آداب | 163 | |
| گیارہواں باب مزاح نگاری کے آداب | 181 | |
| بارہواں باب فحش نگاری کی حرمت | 191 | |
| تیرہواں باب تصویری صحافت کے شرعی حدود | 205 | |
| چودہواں باب کارٹون | 223 | |
| پندرہواں باب ریڈیائی صحافت | 237 | |
| سولہواں باب اشتہارات | 257 | |
| سترہواں باب تعلقات عامہ | 267 | |
| اٹھارہواں باب صحافت میں عدل و احسان | 299 | |
| کتابیات | 319 |