نگارشات ڈاکٹر محمد حمید اللہ جلد اول
مصنف : ڈاکٹر محمد حمید اللہ
صفحات: 691
ڈاکٹر محمد حمید اللہ (پیدائش: 9فروری 1908ء، انتقال: 17 دسمبر 2002ء) ڈاکٹر حمید اللہ ایک بلند پایا عالم دین ، مایہ ناز محقق، دانشور اور مصنف تھے جن کے قلم سے علوم قرآنیہ ، سیرت نبویہ اور فقہ اسلام پر 195 وقیع کتابیں اور 937 کے قریب مقالات نکلے ۔ڈاکٹر صاحب قانون دان اور اسلامی دانشور تھے اور بین الاقوامی قوانین کے ماہر سمجھے جاتے تھے۔ تاریخ ،حدیث پر اعلٰی تحقیق، فرانسیسی میں ترجمہ قرآن اور مغرب کے قلب میں ترویج اسلام کا اہم فریضہ نبھانے پر آپ کو عالمگیر شہرت ملی۔ آپ جامعہ عثمانیہ سے ایم۔اے، ایل ایل۔بی کی ڈگریاں حاصل کرنے کے بعد اعلیٰ تعلیم و تحقیق کے لیے یورپ پہنچے۔ بون یونیورسٹی (جرمنی) سے ڈی فل اور سوربون یونیورسٹی (پیرس)سے ڈاکٹریٹ کی ڈگری حاصل کی ۔ ڈاکٹر صاحب کچھ عرصے تک جامعہ عثمانیہ حیدر آباد میں پروفیسررہے۔ یورپ جانے کے بعد جرمنی اور فرانس کی یونیورسٹیوں میں بھی تدریسی خدمات انجام دیں۔ فرانس کے نیشنل سنٹر آف سائینٹیفک ریسرچ سے تقریباً بیس سال تک وابستہ رہے۔ علاوہ ازیں یورپ اور ایشیا کی کئی یونیورسٹیوں میں آپ کے توسیعی خطبات کا سلسلہ بھی جاری رہا۔ڈاکٹر مرحوم نے اپنی پوری زندگی تصنیف وتالیف کے کاموں کے لیے وقف کیے رکھی بالآخر 95 برس کی عمر پاکر 17؍دسمبر 2002ء کو فلوریڈا (امریکہ) میں اپنے خالق حقیقی سے جاملے ۔ان کے سانحۂ ارتحال کے بعد اہل دانش نے ان کی خدمت میں گلہائے عقیدت نچھاور کیے اور موصوف کی زندگی کی مختلف جہتوں پر اپنی اپنی بساط کےمطابق داد تحقیقی دی ۔ بعض علمی اداروں کی طرف سے ان کی خدمات کےاعتراف میں رسائل وجرائد کے خاص نمبر بھی شائع کیے ۔ اللہ تعالیٰ مرحوم کو جوارِ رحمت میں جگہ دے ۔آمین زیر نظر کتاب ’’ نگارشاتِ ڈاکٹر محمد حمید اللہ ‘‘ محمد عالم مختارِ حق کی مرتب شدہ ہیں مرتب موصوف نے ڈاکٹر حمید اللہ مرحوم کےمضامین ومقالات کو موضوعات کے حساب سے مرتب کر کے دو دجلد میں تقسیم کیا ہے موضوعاتی عناوین حسب ذیل ہیں۔قرآن،سیرت،فقہ،اکابرین، تاریخ، قانون، خطۂ عرب، مستشرقین، ادب، سود وغیرہ۔
| عناوین | صفحہ نمبر |
| حرف مدعا | 9 |
| قرآن | |
| تاریخ قرآن مجید | 17 |
| قرآنی تصور مملکت | 38 |
| قرآن مجید اور عورت | 65 |
| قرآن مجید کے فرانسیسی ترجمنے | 73 |
| ایلاف۔ جاہلیت میں عربوں کے معاشی وسفارتی تعلقات | 82 |
| تراجم قرآن مجید تازہ بتازہ نوبہ نہ | 108 |
| قرآن مجید کی سالگرہ مبارک | 120 |
| سیرت | |
| سرورکائنات ﷺ کی حکومت | 125 |
| عہد نبوی کے سیاست خارجہ کا شہکار | 149 |
| عہد نبوی کے اصول سیاسیات | 160 |
| عہد نبویؐ کے عربی ایرانی تعلقات | 173 |
| آنحضرتؐ کا نامہ مبارک کسریٰ کے نام ’’ایک نئی دریافت‘‘ | 191 |
| آنحضرتؐ کا خط قیصر روم کے نام | 199 |
| سیرت طیبہ کا پیغام عصر حاضر کے نام | 213 |
| فقہ | |
| فقہ کی تشکیل اور آغاز کا معمہ | 253 |
| اسلام اور علم ہئیت کے نئے مسائل | 286 |
| اسلام میں انسانی خون کا احترام | 302 |
| اسلامی جہاد | 306 |
| اکابرین | |
| امام محمد کی بارہ سو سالہ یاد گار وفات ترکی میں | 313 |
| مولانا روم کی سات سو سالہ برسی | 324 |
| شمس الا الرخسی | 327 |
| امام سرخسی کی نو سوسالہ برسی | 349 |
| مولانا سید سلیمان ندوی کی صدسالہ یاد گار ولادت | 361 |
| ابو حنیفہ کی سیاسی زندگی | 383 |
| کتاب النبات دینوری | 397 |
| القاضی الرشید | 401 |
| تاریخ | |
| علم تاریخ میں مسلمانوں کا حصہ | 417 |
| فتح مکہ 8ھ کی چودہ سو سالہ یاد گار | 439 |
| قانون | |
| سیریا قانون بین الممالک | 447 |
| علم قانون میں مسلمانوں کاحصہ | 461 |
| تاریخ قانون میں مسلمانوں کاحصہ | 477 |
| رومی قانون اور اسلامی قانون کے تعلقات پر چند ملاحظات | 487 |
| خطہ عرب | |
| عربوں کی جہاز رانی پر استدراک | 505 |
| آٹھویں صدی ہجری میں مصر وشام میں ڈاک کا نظام | 526 |
| پٹرول گیس اور ابتدائے اسلام | 536 |
| مستشرقین | |
| استانبول کی موتمز مستشرقین عالم | 545 |
| کیمبرج کی موتمر مستشرقین عالم | 558 |