سیرت شیخ محمد بن عبد الوہاب
سیرت شیخ محمد بن عبد الوہاب
مصنف : عبد العزیز بن عبد اللہ بن باز
صفحات: 48
شیخ الاسلام ،مجدد العصر محمد بن عبد الوہاب کی شخصیت کسی تعارف کی محتاج نہیں ہے۔آپ ایک متبحر عالم دین،قرآن وحدیث اور متعدد علوم وفنون میں یگانہ روز گار تھے۔آپ نے اپنی ذہانت وفطانت اور دینی علوم پر استدراک کے باعث اپنے زمانے کے بڑے بڑے علماء دین کو متاثر کیا اور انہیں اپنا ہم خیال بنایا۔آپ نے قرآن وسنت کی توضیحات کے ساتھ ساتھ شرک وبدعات کے خلاف علمی وعملی دونوں میدانوں میں زبر دست جہاد کیا۔آپ نے متعدد کتب تصنیف فرمائیں اور شرک وبدعات کے خلاف میدان کارزار میں کارہائے نمایاں سر انجام دئیے۔آپ نے خالصتا کتاب وسنت کی دعوت کو عام کیا اور لوگوں کو شرک وبدعات سے دور کرنے کے لئے کتب لکھیں۔زیر تبصرہ کتاب(سیرت شیخ محمد بن عبد الوہاب) سعودی عرب کے مفتی اعظم اور معروف عالم دین فضیلۃ الشیخ عبد العزیز بن عبد اللہ بن باز کی ایک تقریر پر مشتمل ہے،جو انہوں نے مدینہ یونیورسٹی کے طلباء سے خطاب کرتے ہوئے ارشاد فرمائی تھی۔شیخ ابن باز اس وقت مدینہ یونیورسٹی کے وائس چانسلر تھے۔اس خطاب میں انہوں نے شیخ الاسلام ،مجدد العصر محمد بن عبد الوہاب کی سیرت اور حالات زندگی کو مختصر مگر جامع انداز میں پیش کیا ہے،اور ان کی دینی واسلامی خدمات پر روشنی ڈالی۔جسے بعد میں کتابچے میں شکل میں طبع کر دیا گیا۔اس کا اردو ترجمہ کرنے کی سعادت محترم شیخ عبد الحلیم بستوی نے حاصل کی ہے۔اللہ تعالی سے دعا ہے کہ وہ مولف اور شیخ الاسلام ،مجدد العصر محمد بن عبد الوہاب دونوں اہل علم کی قبروں کو منور فرمائے اور انہیں جنت الفردوس میں اعلی مقام عطا فرمائے۔آمین
| عناوین | صفحہ نمبر |
| عرض ناشر | 3 |
| دعوت و سیرت | 5 |
| شیخ کے سیرت نگار | 6 |
| پیدائش اور تعلیم و تربیت | 8 |
| ابتداء دعوت اور سازش قتل | 11 |
| دعوت سے پہلے اہل نجد کی حالت | 14 |
| اظہار حق | 15 |
| جذبہ ایمان | 19 |
| دعوت کا نیا مرکز درعیہ | 24 |
| دعوت کے مخالفین | 27 |
| وفات اور اس کے بعد | 34 |
| دعوت حق بسوئے حجاز | 38 |
| ترکی اور مصری فوجوں کی یلغار | 40 |
| حقیقت دعوت | 43 |
| حجاز میں دوبارہ داخلہ | 45 |