اردو شرح مراح الارواح
مصنف : شیخ احمد بن علی بن مسعود
صفحات: 314
عربی زبان ایک زندہ وپائندہ زبان ہے۔ اس میں ہرزمانے کے ساتھ چلنے کی صلاحیت موجود ہے۔ اس زبان کو سمجھنے اور بولنے والے دنیا کے ہر خطے میں موجودہیں ۔عربی زبان وادب کو سیکھنا اور سکھانا ایک دینی وانسانی ضرورت ہے کیوں کہ قرآن کریم جوانسانیت کے نام اللہ تعالیٰ کا آخری پیغام ہے اس کی زبان بھی عربی ہے۔ عربی زبان معاش ہی کی نہیں بلکہ معاد کی بھی زبان ہے۔ اس زبان کی نشر واشاعت ہمارا مذہبی فریضہ ہے۔ اس کی ترویج واشاعت میں مدارس عربیہ اور عصری جامعات کا اہم رول ہے ۔عرب ہند تعلقات بہت قدیم ہیں اور عربی زبان کی چھاپ یہاں کی زبانوں پر بہت زیادہ ہے۔ہندوستان کا عربی زبان وادب سے ہمیشہ تعلق رہا ہے۔ یہاں عربی میں بڑی اہم کتابیں لکھی گئیں اور مدارس اسلامیہ نے اس کی تعلیم وتعلم کا بطور خاص اہتمام کیا۔ زیر تبصرہ کتاب “اردو شرح مراح الارواح”شیخ احمد بن علی بن مسعود کی عربی تصنیف کا اردو ترجمہ وشرح ہے۔اردو ترجمہ اور شرح کرنے کی سعادت محترم مولانا ابو حمزہ محمد شریف صاحب نے حاصل کی ہے۔مولف موصوف نے اس کتاب میں لغت عرب کے ایک اہم ترین باب علم الصرف پر تفصیلی گفتگو فرمائی ہے۔اللہ تعالی سے دعا ہے کہ وہ مولف اورمترجم وشارح کی اس محنت کو اپنی بارگاہ میں قبول فرمائےاور ان کے میزان حسنات میں اضافہ فرمائے۔آمین
| عناوین | صفحہ نمبر |
| پہلا باب صحیح کے بیان میں | 17 |
| فصل ماضی | 43 |
| فصل مستقبل | 90 |
| فصل امر و نہی | 109 |
| فصل اسم فاعل | 137 |
| فصل اسم مفعول | 153 |
| فصل اسم مکان و زمان | 157 |
| فصل اسم آلہ | 161 |
| دوسرا باب مضاعف کے بیان میں | 165 |
| تیسرا باب مہموز کے بیان میں | 196 |
| چوتھا باب مثال کے بیان میں | 230 |
| پانچواں باب اجوف کے بیان میں | 239 |
| چھٹا باب ناقص کے بیان میں | 274 |
| ساتواں باب لفیف کے بیان میں | 301 |