اسلامی تمدن و تاریخ
مصنف : پروفیسر نذیر احمد بھٹی
صفحات: 480
نبی اکرم ﷺ کی سیرتِ مبارکہ نے ملتِ اسلامیہ کی زندگی کے ہر پہلو کے لئے راہنمائی فراہم کی ہے۔ ان میں سے ایک پہلو ثقافتی اور تہذیبی بھی ہے۔ دنیا کی تمام تہذیبوں اور ثقافتوں کے مقابلے میں اسلام کی تہذیب و ثقافت بالکل منفرد اور امتیازی خصوصیات کی حامل ہے۔ اس کی بنیادی وجہ وہ اُصول و ضوابط اور افکار و نظریات ہیں جو نبی اکرم ﷺ نے اپنے اُسوہ حسنہ کے ذریعے اُمتِ مسلمہ کو عطا فرمائے ہیں۔ ثقافت کی تمام ترجہات میں اُسوہ حسنہ سے ہمیں ایسی جامع راہنمائی میسر آتی ہے جس سے بیک وقت نظری، فکری اور عملی گوشوں کا احاطہ ہوتا ہے۔ ایسی جامعیت دنیا کی کسی دوسری تہذیب یا ثقافت میں موجود نہیں ہے۔ مغربی مفکرین اسلام اور پیغمبر اسلام کے بارے میں اپنے تمام تر تعصبات کے باوجود اسلام کی عظیم الشان تہذیب اور ثقافت کی نفی نہیں کر سکے۔ انہیں برملا اعتراف کرنا پڑا کہ مسلمانوں نے یورپ کو تہذیب کی شائستگی کی دولت ہی سے نہیں نوازا بلکہ شخصیت کی تعمیر و کردار کے لئے بنیادیں فراہم کیں، تاریکی میں ڈوبے ہوئے یورپ کو ثقافت کی روشنی سے ہمکنار کیا، جنگل کے قانون کی جگہ ابن آدم کو شرفِ انسانی کی توقر و احترام کا شعور عطا کیا اور یوں اس کرہ ارضی پر ان مہذب معاشروں کے قیام کی راہ ہموار کی جو آج بھی تاریخ کے ماتھے کا جھومر ہیں۔ زیر تبصرہ کتاب ” اسلامی تمدن وتاریخ “محترم پروفیسر عثمان غنی اور محترم پروفیسر نذیر احمد بھٹی صاحبان کی مشترکہ کوشش ہے،جس میں انہوں نے بڑی خوبصورتی کے ساتھ اسلامی تہذیب وثقافت پر روشنی ڈالی ہے۔یہ کتاب انہوں نے انٹر میڈیٹ علوم اسلامیہ کے امتحان کے لئے تیار کی ہے۔ اللہ تعالی ان کی اس کاوش کو قبو ل فرمائے۔آمین
| عناوین | صفحہ نمبر |
| تہذیب ،تمدن | 9 |
| اخلاق | 24 |
| تقوی | 45 |
| ذکر | 61 |
| صبر | 79 |
| شکر | 92 |
| عفو | 100 |
| عدل | 110 |
| احسان | 120 |
| خدمت خلق | 129 |
| عائلی زندگی | 143 |
| خاوند اور بیوی کے حقوق وفرائض | 152 |
| والدین کے حقوق اولاد کے فرائ | 165 |
| اولاد کے حقوق والدین کے فرائض | 174 |
| اسلامی معاشرہ میں تعلیم کی نوعیت واہمیت | 183 |
| مکتب | 191 |
| استاد وشاگرد کے حقوق وفرائض | 200 |
| مسجد | 205 |
| اسلامی معاشرہ | 215 |
| ہمسایہ | 229 |
| شہری | 227 |
| ریاست | 249 |
| امت | 256 |
| اقوت | 263 |
| تبلیغ | 270 |
| جہاد | 280 |
| حصہ تاریخ | |
| اسلام کاپس منظر | 292 |
| آنحضرت ﷺ کی ابتدائی زندگی | 300 |
| تبلیغ دین اور ابتدائی مشکلات | 306 |
| ہجرت مدینہ | 306 |
| غزوات وفتوحات ،غزوہ بدر ،احد او رخندق | 335 |
| غزوات،وفتوحات ،صلح حدیبیہ فتح مکہ اور اور دوسری فتوحات | 357 |
| حجۃ الوداع اور حلت نبی کریم ﷺ | 381 |
| سیرت وتعلیمات نبوی | 386 |
| حضرت ابوبکر صدیق ؓ | 404 |
| حضر ت عمر فاروق ؓ | 420 |
| حضرت عثمان غنی ؓ | 447 |
| حضرت علی ؓ | 466 |
| خلافت راشدہ کی اہم خصوصیات | 477 |